Аш-һыу бүлмәһендә

*Турама өсөн ҡырҡылған алма ҡараймаһын, тиһәгеҙ, уға лимон һуты бөркөгөҙ.

*Ашҡа тоҙҙо артығыраҡ һалып ебәрһәгеҙ, уға картуф һалырға ла бер аҙ бешереп, кире алырға кәрәк. Картуф тоҙҙоң бер ни тиклемен үҙенә алыр.

*Микротулҡынлы мейесте йәшелсәләрҙе, йәшел тәмләткес үләндәрҙе киптерер өсөн файҙаланырға була.

*Картуфты ҡыҙҙырғанда әҙер булыр алдынан ғына тоҙ һалһағыҙ, ул һутлыраҡ һәм тәмлерәк булыр.

*Ҡоймаҡ бешерер алдынан табаһын тоҙ менән ышҡып алһағыҙ, ҡамыр табаға йәбешмәҫ.

*Дөгө ярмаһын бешерер алдынан берәй сәғәт ебетеп алғанда, ул ағыраҡ төҫкә инер. Алдан һыу һеңдергән дөгө тиҙерәк бешер һәм йәбешеп тормаҫ.