Бауырлы турама

Бешкән бауырҙы (әҙерләгәндә тәм өсөн һыуға лавр япрағы, ҡара борос, кишер, һуған һалырға мөмкин) нәҙек кенә итеп һаламлап турайбыҙ. Сырҙы һәм алманы ла шулай уҡ ҡырҡабыҙ. Ярымҡулсалап киҫелгән һуғанға лимон һуты ҡойоп бутайбыҙ. Йәшел тәмләткес үләндәрҙе лә ваҡлап ҡына турайбыҙ. Барыһын бергә ҡушып болғатабыҙ.
Алма урынына консерваланған шафталы (персик) та ҡулланырға мөмкин.