Күңел көҫәгән шөғөл

Рузилә Ҡоломбәтова – Йылайыр районы Сәләх ауылы ҡыҙы. Әле ғаиләһе менән Сибай ҡалаһында йәшәй. Тормош иптәше Азамат менән Салауат һәм Самат исемле матур малайҙар тәрбиәләйҙәр. Рузилә БДУ-ның Сибай институтын тамамлаған. Йылайыр районының Бәрҙәш урта мәктәбендә өс йыл уҡытҡандан һуң, кейәүгә сығып, Сибай ҡалаһына күсә. Улдары тыуғас, үҙенә файҙалы шөғөл таба. Декрет ялындағы башҡа әсәйҙәр кеүек, күңеле көҫәгән, йөрәк биреп башҡарған эшкә тотона.

Боронғо тәңкәләр менән биҙәлгән түшелдерек, селтәрҙәр уны айырыуса ҡыҙыҡһындыра. Башта Рузилә был биҙәүестәрҙе туғандарына, таныштарына бүләккә эшләй. Һуңынан башҡалар ҙа үтенес менән килә башлай. Даими рәүештә килем килтерерлек булмаһа ла, уның селтәр менән булашыуы күңеленә ял, йәшәүгә дәрт бирә. «Маҡсатым – был шөғөл менән аҡса һуғыу түгел, ә милли биҙәүестәребеҙҙе таратыу, модаға индереү. Был мауығыуым ҡартәсәйҙән киләлер, 80 йәшен үтһә лә, беҙҙе һаман һоҡланғыс эштәре менән ҡыуандыра ул», – ти оҫтабикә.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде