Селтәрҙәре мәрйендән!..

Кемдер уны селтәр йә түшелдерек тип атай, ҡайһы бер ерҙәрҙә ул иҙеү, һаҡал тип тә йөрөтөлә. Нәҫелдән нәҫелгә, әсәйҙәренән төпсөк ҡыҙҙарына аманат итеп тапшырылып килгән түшелдеректәр ҙә бар. Уларҙа хатта 1770 йә 1836 йылғы тәңкәләрҙе лә табырға мөмкин. Сөмбөл Әлибаева селтәр эшенә 2018 йылда тотона. Зауыҡлы һәм төрлө стилдәге һәр бер селтәрен фотоға төшөрөп, социаль селтәрҙәге битендә урынлаштыра бара. Таныштары, туғандары араһында күҙҙең яуын алып торған милли биҙәүестәргә ҡыҙыҡһыныу һәм һорау барлыҡҡа килә. Сөмбөлгә ҡатын-ҡыҙҙар, үҙҙәренә лә эшләп биреүен үтенеп, мөрәжәғәт итә башлай.