Ташҡабаҡлы тәмлекәс

Помидорҙы эре булмаған киҫәктәргә бүләбеҙ ҙә тоҙ, шәкәр һалып утҡа ҡуябыҙ. Ҡайнағандан һуң 10 минут үткәс, шаҡмаҡлап туралған ташҡабаҡ менән татлы борос өҫтәйбеҙ, үҫемлек майы ҡушабыҙ.

15 минуттан иҙелгән һарымһаҡ ҡушабыҙ, тағы 15 минут ҡайнатабыҙ. Аш һеркәһе һалабыҙ, шунан ҡайнап сығыу менән эҫе стерилләнгән банкаларға тултырып, ябабыҙ ҙа һыуынғансы түңкәреп ҡуябыҙ.