Тоҙло печенье

Картуфты әрсеп тоҙло һыуҙа бешерәбеҙ. Һыуынғас, ҡырғыстан үткәрәбеҙ йә иҙәбеҙ. Йомортҡа һарыһы, аҡ май, кунжут һәм көнбағыш тосон һалып болғатабыҙ. Он ҡушып ҡамыр баҫабыҙ. Ҡамырҙы йәйәбеҙ ҙә тигеҙ киҫәктәргә бүлеп ҡырҡабыҙ.

Махсус ҡағыҙ йәйелгән табаға печеньеларҙы теҙәбеҙ. Йоморт­ҡаның ағын туғыйбыҙ ҙа бумала менән печеньеларға яғабыҙ, өҫтөнә кунжут орлоҡтары һибәбеҙ. 200 градус эҫелектәге мейестә ике яғы ла ҡыҙарып сыҡҡансы бешерәбеҙ.

Печенье һөт йә сәй менән бик тәмле була. Тик уны асыҡ һауытта һаҡларға кәрәк, шыптырға һалһағыҙ, тәме юғала, ебей.