-21 °С
Ҡар
Антитеррор
Бөтә яңылыҡтар
Тәмлекәс
24 Июнь 2021, 21:10

“Йомортҡа пиццаһы”

6 йомортҡа, 150 грамм бәшмәк (консерваланған да ярай), 2 помидор, 150 грамм сыр, 1 баш һуған, йәшел тәмләткес үләндәр, тоҙ, борос, үҫемлек майы кәрәк. Ризыҡтарҙы үҙегеҙ теләгән кү­ләмдә алырға була.

Ваҡлап туралған һуғанды майлы табала бер аҙ ҡыҙҙырып алабыҙ. Туралған бәшмәкте өҫтәп, тоҙ һибеп, ҡыҙҙырыуҙы дауам итәбеҙ. 10 минуттан әҙер булғас, бәшмәкте айырым тәрилкәгә алып торабыҙ. Хәҙер табаға йомортҡаларҙы һытабыҙ, тә­менсә тоҙ, борос һибәбеҙ.
Помидорҙы ваҡ ҡына йәки нәҙек итеп ярымҡулсалап турайбыҙ ҙа (ит турағыстан үткәрергә, ҡырғыстан ҡырырға ла мөмкин) яртылаш бешкән йомортҡа өҫтөнә йәйеп һалабыҙ. Ҡапҡасын ябып бер нисә минут тот­ҡас, өҫтөнә бәшмәкте һалабыҙ, унан эре ҡырғыстан үткәрелгән сырҙы һибәбеҙ. Ҡапҡасын ябып, сыр ире­гәнсе тотабыҙ.
Автор:Гөлшат Ҡунафина
Читайте нас в