-3 °С
Болотло
Антитеррор
Бөтә яңылыҡтар
Шәп баҡса
13 Октябрь 2022, 12:33

Ҡышҡылыҡҡа һарымһаҡ ултыртабыҙ

Һарымһаҡты яратмаған кеше һирәктер. Ул һәр аҙыҡҡа үҙенсәлекле тәм бирә. Ә инде ҡышҡылыҡҡа консервалау эштәрен һарымһаҡһыҙ башҡарыу мөкин түгел. Күп ауырыуҙарҙан дауа булып тора. Ғәҙәттә, һарымһаҡтың ике төрөн дә: ҡыяҡ сығара һәм сығармай торғанын да ултырталар. Ҡыяҡ сығарыусыларҙан “Грибовский 80”, “Парус”, “Башкирский 85”, ә ҡыяҡһыҙҙарҙан "Новосибирский" сорттарын киң ҡулланалар. Һарымһаҡты ултыртыу ваҡыты: 25 сентябрь – 25 октябрь. Уны ташҡабаҡ, ҡыяр, кәбеҫтә йәки борсаҡлы культуралар үҫкән урынға ултыртырға кәңәш ителә. Ә бына түтәлдә һуған йәки һарымһаҡ үҫкән икән, был урынға 3-4 йылдан һуң ғына сәсәләр. Тупраҡ температураһы + 7 градустан түбән булырға тейеш түгел.

Ҡышҡылыҡҡа һарымһаҡ ултыртабыҙ
Ҡышҡылыҡҡа һарымһаҡ ултыртабыҙ

Һарымһаҡты тырнаҡтарға бүлеп, 2 минут тоҙло һыуҙа (5 л һыу иҫәбенә 3 аш ҡалағы тоҙ) тотҡас, йыумайынса түтәлдәргә ултырталар. 6 – 8 см тәрәнлектә рәттәр һыҙыла. Рәт аралары 20 – 25 см, ә ултыртылған һарымһаҡ аралары 6 – 8 см булырға тейеш. 2 – 3 аҙна үткәс, 2 см ҡалынлыҡта итеп торф йәки серетмә индерһәң яҡшыраҡ булыр. (Мәғлүмәт “Башҡортсотан” календарынан)

Автор:
Читайте нас: