-11 °С
Ҡар
Антитеррор
Бөтә яңылыҡтар
Рухиәттә – ваҡиға
28 Июнь 2019, 19:19

Өфөлә Миңлеғәли Шайморатовҡа һәйкәл ҡуйыласаҡ

Өфөнөң Совет майҙанында Миңлеғәли Шайморатовҡа һәйкәл ҡуйыласаҡ, тип хәбәр итте бөгөн V Бөтә донъя башҡорттары ҡоролтайында Башҡортостан башлығы вазифаһын ваҡытлыса башҡарыусы Радий Хәбиров. ”Беҙ 112-се Башҡорт кавалерия дивизияһы командиры Миңлеғәли Шайморатовтың тыуыуына 120 йыл тулыуҙы лайыҡлы билдәләргә тейешбеҙ”, – тине ул.

1942 йылдың 25 мартында тап Совет майҙанында легендар 112-се Башҡорт кавалерия дивизияһын тантаналы рәүештә һуғышҡа оҙатҡандар. Дивизия командиры Миңлеғәли Шайморатов республика етәкселегенә яугирҙәрҙең фронтҡа китергә әҙер булыуын хәбәр иткән.

Совет майҙанында парк эшләү, ә машиналар өсөн ер аҫтында махсус урын төҙөү күҙаллана. Республика етәксеһе Бөтә донъя башҡорттары ҡоролтайы башҡарма комитетына һәйкәл өсөн аҡса йыйыу тураһында иғлан бирергә тәҡдим итте.