Корней Чуковский башҡортса һөйләшкән

Корней Иванович Чуковский яҙыусы, тәнҡитсе, балалар шағиры, әҙәбиәтсе, тәржемәсе булған. Әммә уның башҡорт телен дә өйрәнгәнлеге лә билдәле. Был хаҡта башҡорт яҙыусыһы журналист һәм тәржемәсе, Бөйөк Ватан һуғышы ҡатнашыусыһы Ғәйнан Әмири (1911-1982 й.й.) яҙып ҡалдырған. Корней Чуковский Переделкинола үҙенә башҡорт теленән дәрес биреү өсөн башҡорт яҙыусыһын эҙләгән. Ғәйнан Әмири уның менән осрашҡас, Чуковский уға башҡорт телен өйрәнергә теләүенең сәбәбен дә асҡан:

“Әгәр ҙә ниндәйҙер кимәлдә һеҙ мине башҡорт теленә төшөндөрһәгеҙ, мин, бәлки, һүҙлек ярҙамында үҙемдең башҡорт теленә тәржемә ителгән әкиәттәремде лә уҡый алыр инем”,- тигән ул.

Һуңынан К.Чуковский Ғ. Әмиригә “Кешеләр һәм китаптар” исемле китабын ошондай яҙма менән бүләк иткән:
“Ҡәҙерле Ғәйнан Ғимазетдин улы Әмириға, уның арҡаһында БАШҠОРТ теленең ниндәй моңло һәм тасуири икәнлеген белдем.”

Корней Чуковский.

Переделкино.

3 февраль 1961 йыл”.

Бынан һуң дә ике яҙыусы хат алышып тора. Хаттарында Чуковский башҡорт һүҙҙәрен дә ҡыҫтыра.

Мәғлүмәт “Истоки” гәзите сайтынан.

Автор:

Читайте нас