Ырым - ышаныуҙар

Тупһаға, ишек башына  даға ҡағыу йолаһы бар. Кешенең яман уйы, яман һүҙе шул  дағаға эләгеп ҡала тип һанала.  Даға ен-шайтандарҙан да һаҡлай. Уны ҡаҡҡан саҡта: - Шайтан килмәһен өсөн, Хәрәм кермәһен өсөн, Тел-теш баҫмаһын өсөн, Бәрәкәт ҡасмаһын өсөн, - тип теләк һамаҡлайҙар. Ул даға яңы түгел, ә ат тояғынан төшөп ҡалған булырға тейеш, сөнки ҡатынан да ҡаты – ат  тояғы ҡаты тип һаналған.   Яҙ еткәс, арба юлы  төшмәҫ борон, йәш ҡолон күрергә кәрәк. Шул саҡта йыл буйы ҡолон шикелле еңел йөрөрһөң, һау- сәләмәт булырһың. Ат һатҡанда, хужа һатып алыусыға уны йүгәне менән тоттора. Ҡото китмәһен тип, малды һарайҙан арты менән сығаралар.

Ырым - ышаныуҙар