Салонда мәғариф системаһының төп йүнәлештәре күрһәтелә

“Мәғариф” милли проектына Башҡортостанда айырым иғтибар бүленә. Уның сиктәрендә биш йылда 50 балалар баҡсаһы, 60 мәктәп төҙөү һәм реконструкциялау күҙаллана. Был балаларҙың уҡыу шарттарын яҡшыртырға, шул иҫәптән икенсе смена проблемаһын хәл итергә мөмкинлек бирәсәк.

Республиканың район-ҡалаларында 12 полилингваль мәктәп асыу күҙаллана. Өфөлә ошондай ике мәктәп эшләй башланы ла инде. Һәләтле балаларҙы асыҡлау һәм үҫтереү маҡсатында мәғариф үҙәктәре, балалар технопарктары һәм кванториумдар асыу планлаштырыла.

Мәғариф өлкәһендә яңы технологиялар һәм уҡытыу алымдарын үҙләштереүгә ҙур әһәмиәт бирелә. Шундай сараларҙың береһе – өсөнсө Өфө халыҡ-ара мәғариф салоны – кисә ВДНХ-Экспо майҙансығында эшләй башланы. Форумда шулай уҡ кадрҙарҙы ҡайтанан әҙерләү системаһы, өҫтәмә һәм бизнес-белем биреү мөмкинлектәре тураһында мәғлүмәт алырға мөмкин. Халыҡ-ара салондың программаһында мәғариф системаһының бөтә йүнәлештәре буйынса түңәрәк өҫтәлдәр, панель дискуссиялар, оҫталыҡ дәрестәре ҡаралған. Бөтәһе 200-гә яҡын сара планлаштырылған, уларҙа, ойоштороусылар һүҙҙәренсә, 20 меңләгән кешенең ҡатнашыуы көтөлә.

#национальныепроекты#региональныепроекты #нацпроектыБашкортостан

Читайте нас: