-25 °С
Болотло
Антитеррор
Бөтә яңылыҡтар
Милли проекттар
31 Октябрь 2019, 11:00

Калининградта ил етәкселәре һаулыҡ һаҡлау мәсьәләләрен тикшерә

Ошо көндәрҙә Башҡортостан Башлығы Радий Хәбиров Калининградта Рәсәй Дәүләт Советы президиумының киңәйтелгән ултырышы сиктәрендә барған һаулыҡ һаҡлау мәсьәләләре буйынса семинар-кәңәшмәлә ҡатнаша.Билдәле булыуынса, “Һаулыҡ һаҡлау” милли проектын тормошҡа ашырыуға Башҡортостанда айырым иғтибар бирелә. Был өлкәне тейешле кимәлгә күтәреү буйынса республика етәксеһенең «сентябрь» указында аныҡ бурыстар ҡуйылды.

Атап әйткәндә, Республика кардиология үҙәгенең яңы корпусын, Республика балалар клиник дауаханаһының Балалар онкологияһы һәм гематологияһы үҙәген, Өфөнөң Затон биҫтәһендә күп функциялы дауахана комплексы, ике бала табыу йорто, 12 поликлиника, өс ауыл табип амбулаторияһы, 167 ФАП һәм башҡа объекттар төҙөү күҙаллана.
Әйтәйек, Затон биҫтәһендәге күп функциялы дауахана комплексында һуғыш һәм хеҙмәт ветерандары өсөн дауахана, геронтология бүлеге, балалар өсөн дауахана, консультация һәм диагностика үҙәге һәм башҡа мөһим бүлектәр эшләйәсәк.
Әле милли проектты тормошҡа ашырыу сиктәрендә дауханаларҙы кадрҙар менән тәьмин итеү, ФАП-тарҙы яңыртыу, матди-техник базаны нығытыу буйынса эштәр эҙмә-эҙлекле алып барыла.
#национальныепроекты#региональныепроекты #нацпроектыБашкортостан
Читайте нас в