Республикала милли проекттар үтәлеше тикшерелде

Улар Президент Владимир Путиндың май Указдарында ҡаралған милли проекттарҙың үтәлешен тикшерҙе.

Депутаттар «Торлаҡ һәм ҡала мөхите», «Һаулыҡ һаҡлау», «Экология», «Һанлы иҡтисад», «Хәүефһеҙ һәм сифатлы автомобиль юлдары» һәм башҡа проекттарҙың һөҙөмтәләре менән танышты. Улар мәктәптәр һәм балалар баҡсаларында булды, ихата һәм йәмәғәт биләмәләре, предприятиелар, медицина учреждениелары, юлдарҙы ҡараны.

Шулай уҡ льготалы категорияға ҡараған граждандарҙы бушлай дарыуҙар тәьминиәте менән ҡыҙыҡһынды.

«Демография» проекты финанслау күләме буйынса иң әһәмиәтлеләрҙең береһе.

Быйыл уны тормошҡа ашырыуға 6 миллиард һум аҡса бүленгән.

Республикала ике йыл эсендә 40-лаған балалар баҡсаһын төҙөү күҙаллана.

#национальныепроекты #региональныепроекты #нацпроектыБашкортостан