-17 °С
Болотло
Антитеррор
Бөтә яңылыҡтар
Милли проекттар
11 Сентябрь 2019, 11:15

Пенсия алдынан – яңы һөнәр

Рәсәй Президенты Владимир Путин указына ярашлы, 2019 – 2024 йылдарҙа тормошҡа ашырылған милли проекттар демография, һаулыҡ һаҡлау, мәғариф, экология, сифатлы һәм хәүефһеҙ автомобиль юлдары, мәҙәниәт һәм башҡа өлкәләргә ҡағыла. Уларҙа билдәләнгән эштәрҙе тормошҡа ашырыу өсөн 28 триллион һумдан артыҡ сығымдар тотоноласаҡ. Башҡортостанда милли проекттарҙы тормошҡа ашырыу өсөн 175 миллиард һумдан артыҡ финанс тотоноуҙар планлаштырыла.

Республикала социаль өлкә өҫтөнлөклө йүнәлештәрҙең береһе булып ҡала. Быйыл “Демография” милли проекты сиктәрендә пенсия йәшенә етеп килгән граждандарҙы уҡытыу башланды. Йыл һайын хаҡлы ялға сығасаҡ, әле эшләп йөрөгән 1,5 мең кеше өҫтәмә белем аласаҡ. 2024 йылға тиклем барлығы 9 мең самаһы кешене уҡытыу ҡарала. Дөйөм йыллыҡ сығымдар күләме - 108,8 млн. һум. Сумманың 103,4 млн. һумы – федераль бюджеттан, 5,4 миллионы – республика иҫәбенән буласаҡ. Республика предприятиелары һәм ойошмалары пенсия йәшенә етеп килгән хеҙмәткәрҙәрен уҡытыуға субсидия алыу хоҡуғына эйә.
#ВладимирПутин #национальныепроекты#региональныепроекты #нацпроектыБашкортостан