-11 °С
Болотло
Антитеррор
Бөтә яңылыҡтар
Милли проекттар
10 Сентябрь 2019, 11:16

Балалар баҡсаһы асылды

Башҡортостанда “Мәғариф” милли проектының уңышлы тормошҡа ашырылыуын беҙ был өлкәләге объекттар төҙөлөшө миҫалында ла асыҡ күрәбеҙ. Атап әйткәндә, республикала 2019 йылдың аҙағына тиклем 6 501 урынлыҡ 21 мәктәп һәм 3139 урынлыҡ 21 балалар баҡсаһы асыласаҡ.

Белем көнөндә Күгәрсен районының Воскресенск ауылында 35 балаға иҫәпләнгән балалар баҡсаһы асылды. Уны Өфө ҡалаһының 8-се төҙөлөш идаралығы эшселәре ҡыҫҡа ғына ваҡыт төҙөп ултыртты. Бында кескәйҙәрҙе төрлө яҡтан үҫтереү һәм хеҙмәткәрҙәргә эшләү өсөн барлыҡ шарттар булдырылған. Бинала кәрәкле йыһаздар, ҡорамалдар бар. Балаларға — иркен уйын, йоҡо бүлмәләре, музыка һәм физкультура залдары. Саф һауала уйнау өсөн резина япмалы майҙансыҡ эшләнгән.
Читайте нас в