Парктар матурлана

Өфөлә халыҡ рәхәтләнеп ял итер заманса урындар арта: Калинин районындағы “Первомайский” паркы һәм Орджоникидзе районындағы “Бейеүсе торналар” фонтаны булған “Имәндәр” скверы бик тиҙҙән күптәрҙең яратҡан еренә әүерелер. Әлеге ваҡытта уларҙа төҙөкләндереү эштәре бара.

Башҡортостан Республикаһы Башлығы вазифаһын ваҡытлыса башҡарыусы Радий Хәбиров ул объекттарҙы төҙөкләндереүҙең, Мәскәүҙәге, донъяның алдынғы ҡалаларындағы кеүек, яңы сифат стандарттары буйынса башҡарылыуын билдәләне. “Өфө парктар ҡалаһы буласаҡ, бының өсөн бөтә мөмкинлектәр бар”, – тине Радий Фәрит улы.

Барлыҡ ошо матур ғәмәлдәр – ил Президенты Владимир Путиндың Указы буйынса ғәмәлгә ашырылыусы “Торлаҡ һәм ҡала мөхите” милли проектына республикабыҙҙа етди иғтибар бирелеүҙең бер сағылышы.

#национальныепроекты#региональныепроекты #нацпроектыБашкортостан

Читайте нас: