Республика онкология диспансеры электрохирургия блогы менән тәьмин ителде

Заманса медицина ҡоролмаһы ”Һаулыҡ һаҡлау” милли проекты һәм “Онкология сирҙәренә ҡаршы көрәш” төбәк проектына ярашлы килде. Билдәле булыуынса, “Һаулыҡ һаҡлау” милли проекты Президент Владимир Путиндың май Указдарына ярашлы тормошҡа ашырыла.

Башҡортостандың һаулыҡ һаҡлау министрлығының матбуғат хеҙмәтенән алынған мәғлүмәттәргә ҡарағанда, электрохирургия блогы дауалауҙың яңыса хәүефһеҙ ысулын тәҡдим итә. Мәҫәлән, унда, дауалауҙың бер нисә юлын автоматик рәүештә көйләп була.

Операция ваҡытында инструмент пациентҡа ҡағылмауы ла мөмкин. Уның ярҙамында ҡан китеүҙе туҡтатырға һәм башҡа киҫкен хәлдәрҙә ярҙам күрһәтергә мөмкин. Белгестәр билдәләүенсә. электрохирургия блогы операцияларҙы һөҙөмтәлерәк, ышаныслыраҡ һәм хәүефһеҙерәк үткәрергә мөмкинлек бирә.

#ВладимирПутин #национальныепроекты#региональныепроекты #нацпроектыБашкортостан

Читайте нас: