Яңы фельдшер-акушерлыҡ пункты эшләй башланы

Үткән аҙнала Туймазы районының Ҡандракүл ауылында фельдшер-акушерлыҡ пункты асылды. Быға тиклем ул 1972 йылда һалынған иҫке бинала урынлашҡайны. ФАП өсөн айырым инеү урыны булған балалар баҡсаһының бер өлөшө бүленгән. Бында прививка яһау, процедуралар, халыҡты ҡабул итеү бүлмәләре, дарыуҙар һаҡлау өсөн урын ҡаралған. Фельдшер-акушерлыҡ пунктының ҡеүәте дөйөм һаны 600 кешенән ашыуыраҡ ике ауыл халҡына беренсе табип ярҙамын күрһәтеүгә иҫәпләнгән.

«Һаулыҡ һаҡлау» милли проекты сиктәрендә быйыл 376 миллион һумға 27 фельдшер-акушерлек пункты һатып алына, өҫтәүенә уларҙың яртыһы авария хәлендәге ФАП-тар урынына асыла. Республика адреслы инвестиция программаһы буйынса 2019-2020 йылдарҙа тағы 15 ФАП төҙөү күҙаллана. Һатыулашыу бюджет аҡсаһын экономияларға һәм шул рәүешле ҡалған аҡсаны биш өҫтәмә фельдшер-акушерлыҡ пункты һатып алыу өсөн тотонорға, шулай уҡ уларҙы кәрәкле ҡорамалдар менән йыһазландырырға мөмкинлек бирҙе. Республикала бөтәһе 380 фельдшер-акушерлыҡ пункты яңыртыуға мохтаж, тип хәбәр иттә “Башинформ” мәғлүмәт агентлығы.

#национальныепроекты#региональныепроекты #нацпроектыБашкортостан

Фото Туймазы районының рәсьми сайтынан алынды.

Читайте нас: