Республикала автомобиль юлдары нисек?

Башҡортостандың Контроль-иҫәп палатаһы республика халҡының автомобиль юлдары хаҡында фекере менән ҡыҙыҡһына. Контроль-иҫәп палатаһында белдереүҙәренсә, ведомство бындай һорауламаны тәүге тапҡыр үткәрә. Уның төп маҡсаты — республикала йәшәүселәрҙең төбәк, муниципаль-ара һәм урындағы әһәмиәттәге автомобиль юлдарының сифаты тураһында фекерен асыҡлау. Алынған мәғлүмәт “Хәүефһеҙ һәм сифатлы автомобиль юлдары” милли проекты сиктәрендә юл ремонты һәм төҙөлөшө эштәрен планлаштырыу өсөн бик тә мөһим.