Медицина хеҙмәткәрҙәренә дәүләт ярҙамы күрһәтелә

Башҡортостанда “Һаулыҡ һаҡлау” милли проектын тормошҡа ашырыу сиктәрендә ҙур планлы эштәр алып барыла. Үткән аҙнала республика Башлығы вазифаһын ваҡытлыса башҡарыусы Радий Хәбиров Өфө һәм район дауаханаларында 2019 йылда эш башлаған медицина хеҙмәткәрҙәренә социаль ярҙам республика программалары сертификаттарын тапшырҙы.Анестезиологтар, реаниматологтар, офтальмологтар, терапевтар, педиатрҙар, гинекологтар 500 меңдән алып 1 миллион һумғаса матди ярҙам алды. Республика етәксеһе табиптарға ошо һөнәрҙе һайлағандары һәм тап районда эшләгәндәре өсөн рәхмәт белдерҙе.

Республиканың һаулыҡ һаҡлау министры вазифаһын башҡарыусы Максим Забелин белдереүенсә, 2018 йылдың 1 октябренән төбәктең медицина учреждениеларына табиптарҙы йәлеп итеүҙең ыңғай динамикаһы күҙәтелә. Ошо осорҙа 240 һаулыҡ һаҡлау өлкәһе хеҙмәткәре, шул иҫәптән беренсел звенолағы медицина хеҙмәткәре эшкә урынлаштырылған. Шул уҡ ваҡытта әлегә Башҡортостандың Һаулыҡ һаҡлау министрлығы тиҙ ярҙам хеҙмәткәрҙәре һаны кәмеүҙең кире тенденцияһын еңеп сыға алмай. 2019 йылдың 1 ғинуарынан ошо хеҙмәткә бер фельдшер эшкә урынлашҡан, ә 14-е унан киткән.

#национальныепроекты#региональныепроекты #нацпроектыБашкортостан

Читайте нас: