«Демография» милли проекты күркәм ғаиләләр, күп балалыҡ һәм әүҙем ҡартлыҡҡа иғтибар арттыра

Республика күп балалы ғаиләләр һаны буйынса Волга буйы федераль округында алдынғы урындарҙың береһен биләй. Башҡортостанда барлығы 50 мең бындай ғаилә, уларҙа 160 мең бала тәрбиәләнә. Күп балалы ғаиләләрҙе яҡлауға йыл һайын төбәк бюджетынан миллиард һум аҡса бүленә. Быйыл өсөнсө балаһы тыуған йәки унан да күберәк балалы ғаиләләргә сабыйҙарына өс йәш тулғансы түләүҙәргә федераль ҡаҙнанан 752 миллион һум аҡса бүлеү күҙалланған. Беренсе балаһы тыуыу уңайынан да түләүҙәр ҡаралған. Был сумма 2, 6 млрд һум.