+21 °С
Болотло
Антитеррор
Бөтә яңылыҡтар
Милли проекттар
19 Июль 2019, 11:29

Башҡортостанда сеймал булмаған продукцияны сит илдәргә сығарыу арта

2018 йылдың майында Президент Владимир Путин ҡул ҡуйған “2024 йылға тиклем Рәсәй Федерацияһын үҫтереү бурыстары стратегияһы һәм милли маҡсаттары тураһында” Указға ярашлы, Башҡортостанда “Халыҡ-ара кооперация һәм экспорт” федераль милли проектын ғәмәлләштереү сиктәрендә ғәйәт ҙур эштәр башҡарыла. Быйыл биш ай йомғаҡтары буйынса, мәҫәлән, сеймал булмаған энергетикаға ҡарамаған экспорт 15 процентҡа артты. Уның төп өлөшөн машина эшләү һәм химия тармағы продукцияһы тәшкил итә. Был хаҡта Башҡортостан башлығы вазифаһын ваҡытлыса башҡарыусы Радий Хәбиров 17 июлдә Өфөлә үткән «Экспортлау ваҡыты» халыҡ-ара экспорт форумында хәбәр итте.

Башҡортостанда бөтәһе 800 экспорт йүнәлешле компания эшләй, уларҙың 650-һе – кесе һәм урта предприятиелар. Экспорттың 90 проценты иһә 20 эре тауар етештереүселәргә тура килә.


«Беҙҙең бөгөнгә бурысыбыҙ – ҙур булмаған предприятиеларға, уларҙың өлөшөн үҫтерергә ярҙам итеү», — тине Радий Хәбиров. Ул шулай уҡ Башҡортостандың «Төбәк эксперт стандарты 2.0» индерелгән 11 пилот төбәк араһында булыуының әһәмиәтен билдәләне. «Ул беҙгә башҡа тәбәктәрҙә булмаған яңы инструменттар бирә», — тине республика етәксеһе. «Беҙ продукцияны, шул иҫәптән пилот тауарҙарҙы экспортҡа сығарыуға тотонолған сығымдарҙың бер өлөшөн субсидиялай башланыҡ. Шулай уҡ Башҡортостан тауарҙарҙы сертификациялау сығымдарының бер өлөшөн компенсациялауға субсидиялар бирелә», — тип хәбәр итте Радий Хәбиров.


«Башҡортостан яҡшы өлгө – төбәк эксперт стандартын тормошҡа ашырыу буйынса пилот проектҡа инде. Кесе һәм урта эшҡыуарлыҡ өсөн бөтә саралар һәм ҡоралдар ҡулланыла, ошо тырышлыҡ үҙ һөҙөмтәләрен бирә», — тине «Рәсәй экспорт үҙәге» акционерҙар йәмғиәте генераль директоры Андрей Слепнев үҙ сығышында.


Икенсе «Экспортлау ваҡыты» халыҡ-ара экспорт форумы «Халыҡ-ара кооперация һәм экспорт» милли проекты сиктәрендә уҙғарыла. Ул төрлө илдәрҙән 300-ҙән ашыу ҡатнашыусыны йыйҙы, уның майҙансыҡтарында милли проекттарҙы ғәмәлгә ашырыу, онлайн-сауҙа мәсьәләләрен өйрәнеү күҙаллана.



Читайте нас: