«Ашығыс ярҙам» машиналары паркы яңыртыла

Башҡортостанда “Һаулыҡ һаҡлау” федераль милли проектын ғәмәлләштереү сиктәрендә «ашығыс ярҙам» машиналары паркы яңыртыла. Быйыл 30 автомобиль һатып алыу өсөн аҡса бүленәсәк. Уларҙың 27-һе — «В», өсәүһе — «С» категорияһына тура килә. Ҡарар Республика Хөкүмәтендәге оператив кәңәшмә мәлендә һаулыҡ һаҡлау министры вазифаһын ваҡытлыса башҡарыусы Максим Забелиндың докладынан һуң ҡабул ителде.

Төбәк һаулыҡ һаҡлау министрлығы етәксеһе докладына ярашлы, бөгөн республика халҡын 558 «ашығыс ярҙам» машинаһы хеҙмәтләндерә. Уларҙың 57,9% өс йылдан кәмерәк эшләһә, 9,3% — өс йылдан биш йылғаса, 32,8% — биш йылдан күберәк хеҙмәт итә.

Максим Забелин, Башҡортостан тағы ла 167 берәмек «B» һәм 30 берәмек «С» категориялы транспортҡа мохтаж, тип белдерҙе.

Республиканың ашығыс медицина ярҙамы хеҙмәте өсөн былтыр 138 автомобиль һатып алынған.

#национальныепроекты #региональныепроекты #нацпроектыБашкортостан

Читайте нас: