-17 °С
Болотло
Антитеррор
Бөтә яңылыҡтар
Милли проекттар
9 Июль 2019, 13:58

Юлдарҙа камералар арта

“Хәүефһеҙ һәм сифатлы юлдар” милли проекты сиктәрендә йыл аҙағына тиклем Башҡортостанда юл хәрәкәте ҡағиҙәләрен боҙоуҙы теркәүсе 289 камера ҡуйыласаҡ. Уларҙың 68-е – Өфөлә, 11-е – төбәк әһәмиәтенә эйә юлдарҙа, өсәүһе Стәрлетамаҡ ҡалаһында буласаҡ. 1 ноябргә тиклем республикала юл комплекстарының дөйөм һаны – 527-гә, ә 2020 йылдың майында 986-ға етәсәк.

“Хәүефһеҙ һәм сифатлы юлдар” милли проектының бер маҡсаты – юлдарҙа үлем осрағын кәметеү. Юл һыҙыҡтарын һалыу фажиғәләрҙе кәметеүҙең тағы бер сараһы булып тора. “Быйыл беренсе тапҡыр термопластик һыҙыҡтар 2500 меңдән ашыу саҡрым юлға һыҙыласаҡ, был эш 82,6 процентҡа үтәлгән”, – тине БР Транспорт һәм юл хужалығы буйынса дәүләт комитеты рәйесе Тимур Мөхәмәтйәнов. Юл һыҙыҡтары июль аҙағынаса һалынып бөтәсәк. Термопластик һыҙыҡтар буяуға ҡарағанда ике тапҡырға оҙайлыраҡ, йәғни алты айҙан ашыу ваҡыт тора.