Һөт эскән сабый шәп үҫә

Совет заманында сабыйҙар өсөн һөт кухнялары эшләүен күптәр хәтерләйҙер. Республикала ошо онотолоп барған матур ғәмәлде тергеҙергә ниәт иттеләр.

Стәрлетамаҡ ҡалаһында балалар өсөн махсус һөт аҙыҡтары етештереүсе фабриканы булдырыу буйынса пилот проектын тормошҡа ашырыу башланды. 1 июлдән Стәрлетамаҡ, Мәләүез, Ишембай райондары һәм Стәрлетамаҡ, Салауат ҡалаларында йәшәүсе айырым категория ғаиләләрҙәге балалар өсөн һөт, кефир, эремсек, йогурт бирелә башлаясаҡ.”Һөт кухняһы” ойошмаһы менән ата-әсәләр араһында килешеүҙәр төҙөлгән. Барлығы 1, 5 мең бала аҙнаһына ике тапҡыр бушлай һөт ризыҡтары аласаҡ.

2024 йылға тиклем бойомға ашырыласаҡ “Демография”, “Һаулыҡ һаҡлау” милли проекттарында балалар сәләмәтлегенә айырыуса ҙур иғтибар бирелә.

#национальныепроекты #региональныепроекты

Читайте нас: