Райондарҙа кино залдары тергеҙелә

“Мәҙәниәт” федераль милли проекты сиктәрендә Кино Фонды Башҡортостанда 10 кинозал тергеҙәсәк. Һәр зал өсөн конкурс нигеҙендә 5 млн. һум аҡса бүленгән. Быйыл субсидияны түбәндәге ойошмалар аласаҡ:

Ғафури районының мәҙәниәт бүлеге;

Кушнарен ауыл-ара район мәҙәниәт йорто;

Иҫке Балтас ауылындағы район мәҙәниәт йорто;

Мораҡ ауылындағы район мәҙәниәт һарайы;

Шаран ауылындағы Үҙәк район мәҙәниәт йорто;

Борай ауылының Йәштәр үҙәге;

Ермолаево ауылындағы “Йәшлек” район мәҙәниәт һарайы;

Үрге Ҡыйғы ауылындағы район мәҙәниәт йорто;

Баймаҡ ҡалаһындағы “Ирәндек” кинотеатры;

Иҫке Собханғол ауылындағы Бөрйән район мәҙәниәт йорто.

Конкурс шарттары буйынса, кинозалда ҡуйылған фильмдарҙың яртыһы Рәсәйҙә төшөрөлгән булырға тейеш. Залдарҙың даими эшләп тороуы ла мотлаҡ.

#национальныепроекты #региональныепроекты