Йыл һайын – ике кинозал

“Мәҙәниәт” милли проекты сиктәрендә республикабыҙҙа бәләкәс ҡалаларҙа һәм район үҙәктәрендә йыл һайын ике кинозал асыу ниәтләнә.

БР Мәҙәниәт министры Әминә Шафиҡова белдереүенсә, экранға, трансляция һәм тауыш ҡоролмалары өсөн һәр кинозалға 5 миллион һум аҡса бүленәсәк, биналар ҙа биреләсәк. Субсидияның кино прокаты менән шөғөлләнергә теләгән эшҡыуарҙарға ла бирелеүе мөмкин. Проект 500 меңгә тиклем кеше йәшәгән ауыл-ҡалаларҙа тормошҡа ашырыласаҡ.

Яңы кинозалдарҙа халыҡ эре ҡалаларҙағы кеүек үк премьераларҙы көнөндә үк ҡарау мөмкинлегенә эйә буласаҡ. Бөгөнгө көндә республикабыҙ райондарында егерменән ашыу заманса кинозал бар.

#национальныепроекты #региональныепроекты

Читайте нас: