Мәҙәниәт – хәстәрлек үҙәгендә

“Мәҙәниәт” милли проектына ярашлы, республикала халыҡтың рухи тормошон байытыу өсөн шарттар тыуҙырыу буйынса ҙур эштәр башҡарыла.

2019 йыл был йәһәттән бик емешле буласаҡ. Дүрт ҙур объект: Ҡыйғы, Салауат, Миәкә райондарында мәҙәниәт йорттары, Мишкәлә мәғлүмәт үҙәге төҙөү һәм капиталь ремонтлау айырыуса әһәмиәтлеләренән һанала.

22 мәҙәниәт ойошмаһы заманса ҡорамалдар менән йыһазландырыласаҡ. Тармаҡ белгестәренең һөнәри камиллашыуына ла етди иғтибар йүнәлтелә: 370 кеше квалификацияһын күтәрәсәк.

Коммерцияға ҡарамаған ойошмаларҙың ижади проекттарына 12 грант биреү ҡаралған. Ҡәҙерле ҡомартҡыларыбыҙ булып һаналған 100 китап цифрлаштырылып, Милли электрон китапханаға индереләсәк.

#национальныепроекты #региональныепроекты

Читайте нас: