-14 °С
Болотло
Антитеррор
Бөтә яңылыҡтар
Милли биҙәк
27 Июнь 2021, 21:15

Биҙәүестәргә күскән илһөйәрлек

Был матурлыҡты Рәйхана Көлмөхәмәтова-Бикйәнова ижад итә. Уның биҙәүестәрендәге илһөйәрлек үҙенә тартып тора. Башҡортостан флагына оҡшатып та, ырыу тамғаларын ҡуйып та эшләй ул селтәрҙәрен.

Рәйхана Билал ҡыҙы үҙе сығышы менән Ейәнсура ра­йоны Байдәүләт ауылынан. Әлеге ваҡытта тормош иптәше Ғиззәтулла ағай менән Өфө районы Авдон ҡасабаһында йәшәй. Ошонда, ҡошсолоҡ фабрикаһында 32 йыл эшләп, хаҡлы ялға сыҡҡан ул. Өс баһадир ул үҫтергән. Хәҙер улар бөтәһе лә, күҙле-башлы булып, айырым йәшәйҙәр. Өс ейәнсәр, ике ейән бүләк иткәндәр. «Тәңкәләрҙе Ҡытайҙан яҙҙырып алам. Ырыу тамғаларын интернеттан ҡарап өйрәнәм. Бер селтәремде, Башҡортостан флагына оҡшатып, зәнгәр, аҡ, йәшел төҫтәрҙән, ҡурай тамғаһы менән эшләнем», – ти оҫта.
Рәйхана Бикйәнованың ҡул эштәре тиҙ генә һатылып бөтә. Хаҡтары, ҙурлығына ҡарап, 3 – 5 мең һум тирәһе.
Мамыҡ шәлдәрҙе лә оҫта бәйләй. Ни тиһәң дә, Ейәнсура ҡыҙы бит ул.
Читайте нас в