Нигеҙ ҡороу

Нигеҙ ҡоролаһы урынға тәүҙә ҙур аҡ таш һалалар. Тупһаға аҡ таш һалыу йолаһы ла бар. Кесе йома һайын шуны йыуып, сайып торалар. Башҡорт ауылдарында борон йорттар урам буйлап теҙелеп ултырмаған: береһе эстәрәк, икенсеһе тыштараҡ һалынған. Сөнки, улар тыныс урын эҙләгән. Ә тыныс урынды шулай табалар: көмөш тәңкәне ауыртмаҡ кеүек итеп епкә таҡҡандар ҙа шуны ҡулға тотоп йөрөтөп сығалар. Тәңкә бәүелә башлаһа, ул ер оҡшамаған. Бәүелеүҙән туҡтаған ерҙә нигеҙ ҡорорға була. (Башҡорт халыҡ ижадының 1-се томынан)

Нигеҙ ҡороу

Байҙың малы бар, бай булһа ла, өйө тар.

Ағайым өйө – аҡ йәйләү, энем өйө – өң төбө.

Һыуһыҙ ергә өй ҡорма, утһыҙ ергә ил ҡорма.

Тыштағы буранға сыҙап була, өйҙәге буранға сыҙап булмай.

Үҙ йортон яманлаған кеше йортонда әрләнер.

Оло өйгә ни кәрәк, кесеһенә лә шул кәрәк.

Йортһоҙ - йылан, ерһеҙ - шайтан.

Йорттан айырылған илде яу баҫыр.

Тымыҡ өйҙә тын тарығыр.

Өйөңдөң өй икәнен ҡыш белерһең, дуҫыңдың дуҫ икәнен эш еткәс белерһең.

Йорт һалһаң, күршеңде һайлап һал.

Автор:

Читайте нас: