Биҙәүестәр ҡараймаһын тиһәгеҙ...

Биҙәүестәр ҡараймаһын тиһәгеҙ... Ювелир биҙәүестәрҙе таҡмаған саҡта ситса ҡулъялыҡҡа төрөп, ҡоро урында һаҡларға кәрәк, сөнки улар дымды яратмай. Алтын сылбыр ҙа тән тирләүенән тоноҡлана. Ә ынйы, гәрәбә, фирүзә ташынан эшләнгән муйынсаҡты сөйгә элеп түгел, һуҙып һалып “ял иттерергә” кәрәк. Тәбиғи таштарҙан эшлэнгэндәре “тере” була һәм “арый”.

Хатта ынйының яңылыш сыйылған урыны таң атыуға бөтәшеп тә ҡуя. Ул шулай үҙ-үҙен дауалауға һәләтле. Көмөш балдаҡта урыны-урыны менән ҡара таптар хасил булһа, аш һеркәһенә мансылған сепрәк менән ипләп кенә ышҡып таҙартығыҙ. Алтын сылбырҙың ялтырауы тоноҡланһа, усығыҙға бер-ике тамсы шампунь тамыҙып, бармаҡ менән күпергәнсе ипләп кенә ыуғылап сайҡатығыҙ. (Башҡортостан календарынан)

Автор:

Читайте нас: