Табын ҡағиҙәләре

Бөйөк мәғрифәтсебеҙ Ризаитдин Фәхретдиновтың табынға ҡағылышлы ҡағиҙәләре бөгөнгө көндә лә бик актуаль. Халҡыбыҙҙың “Ҡунаҡ булһаң, тыйнаҡ бул” тигән бик тапҡыр мәҡәле лә бар. Алла бирһә киләсәктә, донъяларыбыҙ тынысланып, матурайып, тажлы зәхмәт сигенеп, һәр беребеҙ үҙҙәренең яҡындары менән туғанлыҡ- ҡәрҙәшлек ептәрен өҙмәй, һыйлы, мул, бәрәкәтле табындарҙа осрашыуҙар күп булһын!

Табын ҡағиҙәләре

Ҡунаҡ саҡырырға булһағыҙ, ғөрөф-ғәҙәт буйынса иртәрәк хәбәр итегеҙ.

Ҡунаҡтарҙы асыҡ йөҙ һәм хөрмәт менән ҡаршы алығыҙ, һәр кемде урынына ултыртығыҙ.

Ниндәй генә ләззәтле булһа ла, аштарығыҙҙы маҡтамағыҙ, ҡунаҡтарҙы ашарға ҡыҫтамағыҙ. Ҡунаҡ итеүсенең вазифаһы ҡунаҡтар алдына аш килтереү була. Ашау һәм ашамау ҡунаҡтарҙың ихтыярындалыр.

Ҡунаҡтарҙың һәр береһенең янында әҙерәк тороғоҙ, һөйләшегеҙ. Ҡайтҡандарында матур йөҙ менән хушлашып, рәхмәт әйтеп ҡалығыҙ.

Мәжлес һәм ашау ҡағиҙәләрен камил үтәгеҙ. Ни ҡәҙәре оҡшамаған аш килтерһәләр ҙә, яратмағанығыҙҙы белдермәгеҙ. Ашарға теләгән ризыҡтарығыҙҙы ашағыҙ, теләмәгәндәрен әҙәпле генә кире ҡуйығыҙ. Бүлеп алмағыҙ.

Аш тамамланғас, ҡулдарығыҙҙы йыуып, рәхмәт әйтеп, әҙәпле хушлашығыҙ.

Мәжлескә барырға ҡаршылыҡ килеп сыҡһа, бара алмауығыҙҙы белдереп хәбәр итегеҙ.

Аш һәм туй мәжлестәре ойошторғанда, башҡаларҙан көнләшеп, хәлегеҙҙән артыҡ мал исраф итмәгеҙ.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде