Зөһрә Фазуллинанан кәңәштәр.

Көҙ көнө баҡсала түбәндәге эштәрҙе башҡарабыҙ:

- картуфты алып бөткәс, ерен тырматабыҙ ҙа горчица сәсәбеҙ, йәшел генә булып үҫеп сыҡҡас, ерен көрәп сығабыҙ. Былай итеү ерҙе ашлай, ҡаты ҡорттарҙы юҡ итә;

- емеш бирә торған ағастарға күп итеп һыу һибәбеҙ: алмаға - унар биҙрә, бәләкәйерәк ағас-ҡыуаҡлыҡтарға - 3-4 биҙрә;

- көҙгөһөн еләкте яңы урынға күсереп ултыртыр кәрәк;

- теплица  тупрағының 5-7 см өҫкө ҡатламын алып, тышҡа сығарабыҙ, урынына тиреҫ индереп һалабыҙ;

- емеш ағастарының олонон ҡуяндар кимермәһен өсөн уратып бәйләп ҡуялар;

- көҙ көнө бөт түтәлдәрҙе лә ҡаҙып, көл, тиреҫ индерһәң, алдағы йыл яҡшы уңыш аласаҡһығыҙ.

Фото З. Фазуллина