Бәйге Онотолған ризыҡ. Ыумас

Өләсәйем аштары Фатима өләсәйем элек гел танһыҡҡа ыумас бешерә торғайны. Яҙ көнө уға балтырған, кесерткән турап һалһаң, витаминлы ризыҡ әҙер. Ашты тауыҡ һурпаһына ла бешерергә мөмкин. Ҡыҙыл эремсеге лә сәйгә ҡушып эселгән бер татлы тамаҡ булды. Бөгөн дә тәмдәре тел осонда ғына. Хәҙер инде үҙем балаларға әҙерләп ашатам.

Ыумас

1 литр ҡайнаған һыуға тәменсә тоҙ, 1 эре картуф турап һалам. Ул ҡайнағансы 1 йомортҡа һытам да әҙ-әҙләп кенә он өҫтәп, ыумас ыуам (дүрт кешегә иҫәпләнгән). Кемдер ыумастың эрерәк булғанын ярата, кемдер вағыраҡ итә. Уны картуф йомшарғас һалам. Йәшел тәмләткес үлән, һары май ҡушып ашаһаң, телеңде йоторһоң.

Фото геройҙың ғаилә архивынан

Автор:

Читайте нас

Новости партнеров