Бер тормош һабағы менән уртаҡлашабыҙ.

Бер табип ҡыҙыҡлы күҙәтеү менән уртаҡлаша: өйөнә ҡайтыр алдынан ярты сәғәт скверҙа йөрөй башлай, йәки магазинға инеп, матур әйберҙәргә һоҡлана, йәки урам буйлап йөрөп, матур, яҡшы күренештәрҙе күрергә тырыша. Шул ваҡыттан алып уның балалары ауырыуҙан туҡтай. Әлбиттә, быға тиклем дә табип, эштән ҡайтҡас, душ ингән, кейемдәрен алмаштырған, ҡулдарын ентекләп йыуған...

Сөнки ул ауыр пациенттар менән эшләгән. Эше бик ҡатмарлы  һәм нервылы булған. Уның башы инфекцияларҙың ҡатмарлы осраҡтары менән мәшғүл була... Һәм бына ошо"таҙарыныу осошо" тигән бәләкәй генә йөрөү проблеманы хәл итергә ярҙам итә.

• Икенсе миҫал: бер ир кеше нервылы эштә эшләгән. Өйгә асыулы һәм арыған килеш ҡайта. Киске аш ашағас, ҡулына гәзит алып, диванда ята. Тынысланып, ғәҙәти хәлгә килә. Әммә яҡындары инде көсөргәнешле һәм асыуланған була, рәнйегәндәр. Өйҙә насар атмосфера була.
• Һәм был кеше эштән һуң шунда уҡ өйгә ҡайтмай башлай. Ул спорт майҙансығына бара, унда турникта бер аҙ тартыла. Йүгереп һәм һикереп йөрөй. Бик оҙаҡ түгел, ярты сәғәт. Аҙаҡ, тынысланғас ҡына өйөнә ҡайта. Шунан алып өйҙәге мөнәсәбәттәр яҡшыра башлай, балалары нығыраҡ һәм күңеллерәк булып китә... Юлда был кеше балаларға тәмлекәс һатып алған, ҙур аҡсаға түгел – туңдырма, алма, әммә шул шатлыҡ килтергән.
• Бының мәғәнәһе бар. Ауыр эштән һуң кеше негатив эмоциялар менән һуғарылған һәм ошо йөк менән умартаға оса. Яҡындарына нектар килтермәй.
• Әгәр ҡайтыр алдынан йөрөргә, иғтибарҙы ситкә йүнәлтергә, кәйефте үҙгәртергә, асыу һәм ярһыуҙы, кисерештәрҙе һәм һағышты өйгә алып ҡайтмаҫҡа мөмкинлек булһа, шулай эшләргә кәрәк тә. Умартаға ҡайтҡансы таҙарыныу осошо яһарға.
• Йортҡа ғына түгел, эшкә лә насар кәйеф алып барырға кәрәкмәй. Уны ситтә ҡалдырырға кәрәк. Үҙеңдә яҡшылыҡты ғына йөрөтөргә, ә яманлыҡты йөк итеп йөрөтмәҫкә кәрәк. Башҡа кешеләргә негативты сәсмәҫкә. Һәм йәшәүе еңелерәк буласаҡ, йортобоҙ ҙа сүплеккә әйләнмәйәсәк.
•  
•  
• Анна Кирьянова
•