Башҡортса уйнайыҡ! Милли рух тәрбиәләй

Конкурсыбыҙға ул милли кейемле ҡурсаҡтарын тәҡдим итә. Сулпан әҙер ҡурсаҡтарҙы һатып ала ла үҙебеҙсә кейендерә, биҙәүестәр яһай. «Бәләкәстәрҙә туған телгә, мәҙәниәткә, тарихҡа һөйөү тәрбиәләү уйындар, уйынсыҡтар аша башлана. Бындай уйынсыҡтар баланы «милләт» төшөнсәһе менән таныштырырға, тарих, мәҙәниәт тураһында һөйләргә ярҙам итә. Ошо ниндәй күлдәк? Биҙәүес нисек атала? Тәңкәләр ниңә кәрәк? Һорауҙарға яуап бирергә әҙер генә булығыҙ. Ҡурсаҡты кейендереү (төймә элеү, аксессуарҙарҙы тағыу, аяҡ кейемен систереү һ. б.), кейемдәрҙең төрлө материалдан булыуы (туҡыма, бәйләнгән элементтар, кейеҙ, сәйлән, тәңкә, ҡаптырма...) баланың ваҡ моторикаһын үҫтереүгә лә булышлыҡ итә», – ти оҫтабикә. 

Гөлшат Ҡунафина