Әгәр китап уҡымаһаң...

1. Абстракт фекерләү һәләте юғала. Китап күҙ алдына килтерергә, уйлап бөтөрөргә, анализларға өйрәтә. Видео иһә бөтәһен дә әҙер килеш итеп бирә – уйларға кәрәкмәй.

Китап уҡымаһаң, күҙаллау һәләте юғала. Биш йылдан һуң, һеҙ элек уйлап та бирмәгән ябай проблемаларҙы ла хәл итә алмаясаҡһығыҙ.

2. Һүҙлек запасы 2-3 тапҡырға кәмей. Уртаса ҙурлыҡтағы китапта 3000-5000 уникаль һүҙ бар. Телевидение менән социаль селтәрҙәрҙә - көнөнә 300-500 һүҙ. 2-3 йыл ҡулланылмаған һүҙҙәр актив һүҙлектән төшөп ҡала. Һөҙөмтәлә, һин уй-хистәреңде теләгән кимәлдә әйтеп бирә алмайһың.

3. Кешеләрҙе аңлау һәләте кәмей.

Китаптар башҡа кешенең фекерҙәрен, уйҙарын белергә ярҙам итә. Улар аша йөҙләгән кешенең яҙмышын үҙең аша үткәрәһең. Ә китап уҡымаһаң, башҡа кешене аңлау һәләте һүлпәнәйә. 5 йылдан һуң кешеләрҙең ҡылыҡтары сәйер булып тойола башлаясаҡ.