МЧС хеҙмәткәрҙәре ваҡытында ярҙамға килгән

Дәүләкәндә бер үҫмер егет бер проблемаға юлыҡҡан: ул бармағына кейгән металл балдаҡты сисә алмаған.

Башта ул балдаҡты үҙе сисеп ҡараған, унан дуҫына мөрәжәғәт иткән – килеп сыҡмаған.

Үҫмер дауаханаға киткән. Врачтар ҙа сисә алмағас, Рәсәй МЧС хеҙмәтен саҡыртҡандар. Дәүләкән ҡалаһының 117-се янғын-ҡотҡарыу бүлеге хеҙмәткәрҙәре махсус инструмент менән балдаҡты киҫеп, үҫмерҙең бармағын ҡотҡарып алып ҡалғандар.

Идарағылар көнкүрештә ҡатмарлы хәлдәр тыуһа, һис кисекмәҫтән 112 һандарын йыйырға кәңәш итәләр.

Материал, фото: Башинформ.