Ҡурай еләгенән нимәләр эшләргә була?

Туңдырылған ҡурай еләге

Бер килограмға ярты киилограм ҡурай еләге алына. Ҡурай еләген блендер, йәки ит турағыс аша үткәрәбеҙ, шәкәре ирегәнсе оҙаҡ иитеп болғатабыҙ һәм контейнерҙарға һалып, туңдырғысҡа ҡуябыҙ. Ҡышҡыһын витаминлы тәмлекәс менән рәхәтләнәбеҙ.

Киптерелгән ҡурай еләге

 Ҡурай еләген ҡояшта киптерәбеҙ. Ҡыш көнө кипкән ҡурай еләккә ҡайнар һыу һалып эсһәң, ммм!!! Иҫ киткес тәмле! Тағы ла ул температураны төшөрә.

Ҡурай еләгенән биш минутлыҡ ҡайнатма

 Шулай уҡ ҡурай еләген дә биш минут ҡына ҡайнатып һаҡларға була. Уның рецебы түбәндәгесә:

1. Таҙа ҡурай еләген кәстрүлгә һалығыҙ, шәкәр һалып, һуты сыҡҡансы, бер нисә сәғәткә ҡалдырып тороғоҙ.
2. Уртаса утта ҡайнауға тиклем еткерегеҙ, һәр ваҡыт болғатып тороғоҙ. Биш минут ҡайнатығыҙ, күбеген йыйып алығыҙ.
3. Уттан алып, бүлмә температураһына тиклем һыуытығыҙ.
4. Шунан тағы биш минут ҡайнатығыҙ һәм һыуытығыҙ.
5. Өсөнсө тапҡыр биш минут ҡайнатып, стерилләнгән банкыларға һалып ҡаплағыҙ. Һалҡын һәм ҡараңғы урында һаҡлағыҙ.