"Әйҙә уйнарға" фестивалендә роботтар “һөжүме” күҙәтелә

Бында янғын һүндереүсе автономлы робот, универсаль ауыл хужалығы роботы һәм хатта ғәҙәттән тыш хәлдәрҙә кешеләрҙе ҡотҡарыу өсөн булдырылған һәм бер саҡрым алыҫлыҡта пульт ярҙамында идара ителгән робот-экстремалды күрергә мөмкин. Уларҙың барыһын да үҙ ҡулдары менән Башҡортостандан аҡыллы ҡыҙҙар һәм малайҙар йыйҙы.

"Фестивалдең тәүге көнөндә беҙҙең майҙансыҡҡа 200-ҙән ашыу бала килде. Дрон менән идара итеү буйынса оҫталыҡ дәрестәре үткәрәләр, был 10 йәштән өлкән малайҙарға айырыуса оҡшай. Балалар график планшеттарға рәхәтләнеп һүрәт төшөрҙө. Оҫталыҡ дәрестәре фестиваль дауамында, 9 июнгә тиклем дауам итә. Килегеҙ, ҡыҙыҡлы булыр! Ҡунаҡтарҙы мобиль технопарк педагогы Роман Солодовников саҡыра.