Күп функциялы арауыҡ сәнғәттең бөтә йүнәлештәрен берләштерергә мөмкинлек бирәсәк

Питчингта тәҡдим ителгән һәр проект - ул идея ғына түгел, ә төбәктең иҡтисади үҫеше һәм яңы эш урындары булдырыу өсөн мөмкинлек. Башҡортостан Хөкүмәте Премьер-министрының беренсе урынбаҫары Рөстәм Моратов ижади бизнес-берләшмә өсөн уңайлы мөхит булдырыу мөһимлеген һыҙыҡ өҫтөнә алды. Бөгөнгө питчинг һайланған йүнәлештең дөрөҫлөгөн раҫлай.

«Мәҙәниәт» проекты урындағы дизайнерҙарҙы һәм һөнәрселәрҙе берләштерәсәк, уларға үҙ идеяларын тормошҡа ашырырға, Рәсәй һәм халыҡ-ара баҙарҙарға сығырға ярҙам итәсәк. «Бәхет Территорияһы» хәйриә фондының попечителлек советы рәйесе Каринэ Хәбирова проекттың ритейл сиктәренән сығыуын билдәләне. Был Башҡортостандың мәҙәни киңлеге һәм «илселеге», ул республика халыҡтары мәҙәниәтен таратасаҡ. Төбәктең үҙенсәлеге уның күп милләтлелегендә – бында 160 милләт йәшәй.

Санкт-Петербургтан эксперт Дмитрий Тимуршин төбәкте үҫтереү һәм инвестициялар йәлеп итеү өсөн инициативаның әһәмиәтен һыҙыҡ өҫтөнә алды. Ул проектты уңышлы тормошҡа ашырыу өсөн аналитик база булдырыуҙың мөһимлеген билдәләне.

«Башҡортостандан һөнәрселек шоколады» проектына нигеҙ һалыусы Марина Григорьева Стәрлетамаҡта «Мәҙәни код» авторлыҡ музей-оҫтаханалары кластерын тәҡдим итте. Бында гидтар педагог һәм аниматор ролдәрен берләштерә, килеүселәргә интерактив экскурсиялар, оҫталыҡ дәрестәре, дегустациялар һәм уҡыу курстары тәҡдим итә. Кластерға музей-шоколад оҫтаханалары, локаль рәсем сәнғәте галереяһы, сыуаш костюмы музейы һәм башҡалар инә. Марина Григорьева билдәләүенсә, Стәрлетамаҡ һәр ваҡыт оҫталар һәм һөнәрселәр менән дан тота, һәм һөнәрселәр ҡаланың һөнәрселек-оҫталыҡ тарихын яңынан аңлау һәм популярлаштырыу өсөн берләшергә ҡарар итә.

 Артур Рәхмәтов, «Ағиҙел ҡалаһының креатив индустрияларҙы үҫтереү территорияһы» автономиялы коммерцияға ҡарамаған ойошманы ойоштороусы һәм «Йәнле Өфө» фонды рәйесе, шулай уҡ «Өфө муйынсағы» территорияларҙы үҫтереү үҙәге автономиялы коммерцияға ҡарамаған ойошманың директоры һәм “Әхмәҙуллин-Архитектс” архитектура бюроһына нигеҙ һалыусы Адель Әхмәҙуллина “Университеттың креатив киңлектәре“лабораторияһы” проектын тәҡдим итте. Был программа  бизнес һәм креатив индустриялар экосистемалары институты һәм Өфө дәүләт нефть-техник университеты студенттары өсөн. Уның маҡсаты – университет стеналарында ижади киңлек булдырыу.