-13 °С
Болотло
Антитеррор
Бөтә яңылыҡтар
Общие статьи
25 Март 2021, 15:34

25 март – Изге ғәмәлдәр көнө

Бөгөн шул тиклем матур, илаһи яҙғы көн! Күктә сағыу ҡояш көлә, бар тәбиғәт ҡышҡы йоҡоһонан уяна. Ошо көндә Изге ғәмәлдәр көнө билдәләнә икән. Әйҙәгеҙ, дуҫтар, бөгөн генә түгел, ә һәр көн һайын бер-беребеҙгә яҡшылыҡ, яҡтылыҡ өләшеп, игелекле булып, изге ғәмәлдәр ҡылып йәшәйек. Динебеҙ ҙә тик изгелеккә, яҡшылыҡҡа ғына өйрәтә. Онотмайыҡ, донъяла беҙ бары ҡунаҡ ҡына.

  • Кешеләргә рәхмәт әйтмәгән Аллаһы Тәғәләгә лә шөкөрҙә булмаҫ.
  • Әгәр кемгә булһа ла бүләк итеп берәү аҡса бирһә, йә һөт эсерһә йәки урамына табан юл күрһәтһә, шул кешегә бер ҡол азат иткән тиклем сауап булыр.
  • Кем мәрхәмәтһеҙ, шуның үҙенә лә мәрхәмәт булмаҫ, кем ғәфү итмәй, шуның үҙенә лә ғәфү ителеү булмаҫ, кем үкенеү кисермәй, шуның тәүбәһе ҡабул ителмәҫ.
  • Һиңә ярҙам итмәгәнгә ярҙам ит, үҙеңә ҡарата насар булғанды ғәфү ит, һине ташлаған ҡәрҙәшеңде үҙең ташлама.
  • Бәхеттең бөтмәҫ сығанағы – изгелек ҡылырға ынтылыу. Ни тиклем күберәк изгелек эшләһәң, шул тиклем бәхетлерәк буласаҡһың.
  • Автор:Айзилә Мортаева
    Читайте нас в