Гүзәлиә Әхмәҙетдин ҡыҙы - ҡаһарман әсә

Гүзәлиә Әхмәҙетдин ҡыҙы – махсус хәрби операция батыры Илнур Кәрим улы Хисаметдиновтың әсәһе. Ул Бишбүләк районы Көнгәр-Мәнәүез ауылы мәктәбендә 37 йыл уҡытыусы булып эшләй. Бөгөн хаҡлы ялда һәм, улын юғалтҡандан һуң, районда «Ватанды һаҡлаусылар» фондының социаль координаторы булып тора. Маҡсаты – улдары, ирҙәре һәләк булған ғаиләләргә, балаларын эҙләгән әсәләргә ярҙам итеү. Ә улы тураһында ул үткән заманда һөйләй алмай, иҫтәлектәре бөгөнгөләй яҡты һәм йылы:

Гүзәлиә ханымды ҡайғы аямай. Ул башта ирен, унан ярты йылдан улын ерләй. Ер аяҡ аҫтынан киткәндәй була. Әммә ҡатын был хәсрәттәрҙе ҡыҙы һәм дүрт ейәне хаҡына күтәрергә кәрәк икәнде аңлай. Кәртә-ҡураны тергеҙеп, мал һатып ала, шул тереклегенә әүрәй. Ауылда волонтерҙар хеҙмәтен ойоштороп ебәрә, хәрби операция зонаһына ярҙам йыя, оҙата. Яугирҙәрен юғалтҡандарға мәғлүмәттәр эҙләшә, рухи терәк булырға тырыша. Бына шундай ҡаһарман әсә ул!

Автор:Миляуша Кагарманова

Читайте нас

Партнеры