Яңы бәйгеләр «Ғаилә йолалары»

     Бөтә донъя башҡорттары ҡоролтайы 2026 йылды Башҡорт ғаиләһе йылы тип иғлан итте. Ошо уңайҙан ғөрөф-ғәҙәттәрҙе һаҡлау һәм үҫтереү маҡсатында журналыбыҙҙа «Ғаилә йолалары» конкурсын иғлан итәбеҙ. Нәҫелегеҙҙә ниндәй матур һәм тәрбиәүи әһәмиәткә эйә традициялар һаҡлана – ошо хаҡта йөкмәткеле мәҡәләләр һәм тематиканы байытырҙай сифатлы фотолар көтәбеҙ һеҙҙән, хөрмәтле уҡыусыларыбыҙ! Һәр ғаилә үҙенсәлекле ул беҙҙә. Тәрбиәүи алымдар, ғаиләгеҙҙең рухлы, маҡсатлы, өлгөлө булыуын билдәләгән тарихтар ҙа сағылһын яҙмала.

Фото А. Данилов.