«Һуғыш – ҡатын-ҡыҙ яҙмышында» публицистик яҙмалар бәйгеһе йомғаҡтары

Журналыбыҙ йыл башында Башҡортостан Ҡатын-ҡыҙҙар Союзы менән берлектә Еңеүҙең 75 йыллығына арналған «Һуғыш – ҡатын-ҡыҙ яҙмышында» публицистик яҙмалар конкурсы иғлан иткәйне. Беҙгә килгән эштәрҙең һәр береһе Еңеүҙе яҡынайтҡан әсәй-өләсәйҙәребеҙҙең рух ныҡлығына, күңел юғарылығына, матурлығына, батырлығына сикһеҙ ғорурлыҡ менән һуғарылыуын билдәләйбеҙ һәм ҡатнашыусыларҙың бөтәһенә лә оло рәхмәтебеҙҙе еткерәбеҙ.

Ил тарихын сағылдырыусы яҙмыштарҙы йөрәк аша үткәргән был бәйгеселәр араһында Рафиға Усманова («Ольденбург тотҡоно», №5) беренсе урынға сыҡһа, икенсе урынды Лилиә Сәлихова («Снайпер Рая», №6) менән Зөһрә Кашапова («Ил йөгөн йөкмәгән Үлмәҫбикә», №11) алды, өсөнсө урынды Минира Үтәгәнова («Юғалған бала саҡ», №9) менән Гөлсинә Мөхәмәтғәлина («Аҡҡош тоғролоғо», №7) бүлеште.

Конкурсҡа рус телендә лә байтаҡ эштәр килде. Людмила Лоҡманованың «Уходила Зайтуна на войну» тигән яҙмаһы беренсе урынға, Надежда Тарасованың «Мама, я вернулась!» тигән һүрәтләмәһе һәм Дарья Чернованың «Мы помним тебя, Мария!» тигән яҙмаһы – икенсе, Фәниә Хәмитованың «Ее безграничная верность» тигән мәҡәләһе һәм Фәриҙә Хөснийәрованың «Воспоминания мамы о военном детстве» тигән эше өсөнсө урынға лайыҡ тип табылды.

Еңеүселәрҙе ихлас тәбрикләп, яңы ижади үрҙәр теләйбеҙ!

Читайте нас: