Ҡыуандыра гүзәл затты

«Күҙ асҡандан алып таныш шул биҙәктәр, ҡартәсәйемдең һуҡҡан балаҫтары, кейеҙе, әсәйемдең сигеүле япмалары, бәйләп кейҙергән йөн әйберҙәре тәрбиәләгәндер ул зауыҡты. Әсәйем аш-һыуға ла оҫта булды, эремсеге, ҡорото, икмәге бигерәк уңды», – ти Һәҙиә. Әсәнән күргән – тун бескән, тигәндәй, дүрт бала әсәһе үҙе лә ҡомалаҡ менән әсетеп икмәк бешерә, шуның менән кәсеп итә. Буш ваҡыттарында иһә ҡул эштәренә тотона. Бәйгегә тәҡдим иткән алҡа менән беләҙекте ул гердан тип аталған сәйлән теҙеү техникаһында башҡарған, башҡорт милли биҙәктәрен һалған.