Биҙәгем – «бал ҡорто»

Ҡариҙел районы Яңы Муллаҡай ауылында йәшәүсе Рәхимә Нурғаянова ҡул эштәренә маһир. Таҡыяларҙы ул үҙе тегә, шунан нағышлап, мәрйен менән сигеп, үҙ төбәгенә хас булғанса биҙәй. «Бал ҡорто» тип аталған был биҙәк төньяҡ-көнсығыш башҡорттарында киң таралған, уны таҫтамалдарҙа, сымылдыҡ-шаршауҙарҙа, ҡорғандарҙа, алъяпҡыстарҙа, ашъяулыҡтарҙа ла күрергә була. Әйткәндәй, Ҡариҙел буйында хозур тәбиғәттә умарта тотоусылар ҙа күп, был яҡтың йүкә балы айырыуса баһалана.