-5 °С
Болотло
Антитеррор
Бөтә яңылыҡтар
Анонстар
13 Ғинуар 2022, 12:23

Бергә булдыҡ, бергә ҡалайыҡ!

Хөрмәтле дуҫтар, «Башҡортостан ҡыҙы» журналының 2022 йылда донъя күргән тәүге һанын ҡулығыҙға алдығыҙ. Сираттағы матбуғатҡа яҙылыу кампанияһы – гәзит-журнал редакциялары өсөн генә түгел, ә милли баҫмалар, туған тел яҙмышы, Башҡортостаныбыҙ киләсәге өсөн дә үтә яуаплы тағы бер мәл артта ҡалды. Ул ябай булманы. Тажлы вирус юлыбыҙҙы япты, журналыбыҙҙы яратып уҡыған оло быуын вәкилдәре араһында беҙҙе ҡалдырып китеүселәр күп булды, хаҡтарҙың йылдам артыуы халыҡтың кеҫәһенә һуҡты. Һөҙөмтәлә беҙ 800-гә яҡын журнал уҡыусыбыҙҙы юғалттыҡ. Бик үкенесле хәл был. Глобалләштереү киң ҡолас ала барған, телевизорҙан бер туҡтауһыҙ күрһәтелгән йәнһүрәттәр йоғонтоһонда сабыйҙарыбыҙҙың теле русса асылған, туған телебеҙгә быға тиклем күрелмәгән ысын мәғәнәһендә ҙур ҡурҡыныс янаған дәүерҙә «Башҡортостан ҡыҙы» һис шикһеҙ артабан да йәшәргә тейеш. Шуға баҫмабыҙға тоғро ҡалған дуҫтарыбыҙға оло рәхмәтебеҙҙе еткерәбеҙ. Журналыбыҙҙы бергәләп ҡурсалайыҡ, үҫтерәйек, киләһе быуындарға алып барып еткерәйек шулай! «Яҙыл һәм от!» акцияһына йомғаҡ яһап, уның һөҙөмтәләрен иғлан итәбеҙ. Шулай итеп, бүләктәр түбәндәге журнал уҡыусыларға юллана:

Бергә булдыҡ, бергә ҡалайыҡ!
Бергә булдыҡ, бергә ҡалайыҡ!

теген машинаһы – Баймаҡ ҡалаһынан  Гөлдәр Сыңғыҙоваға;

үтек – Белорет районы Шығай ауылынан Фәниә Абҡадироваға;

саң һурҙыртҡыс – Ҡырмыҫҡалы районы Ибраһим ауылынан Фәүзиә Латиповаға;

фен – Әбйәлил районы Асҡар ауылынан Зөһрә Оморҙаҡова-Кашаповаға;

вафли бешергес – Өфө  ҡалаһынан Нурия Килмөхәмәтоваға;

Гөлназ Ҡотоеваның  «Ҡот тамғаһы» китабы – Бөрйән районы Ғәлиәкбәр ауылынан Хөснә Исламбаеваға;

М. Ямалетдиндың «Ҡөрьән Кәрим сүрәләренә шиғри аңлатма» китабы – Хәйбулла районы Әбүбәкер ауылынан Йәмилә Сынбулатоваға;

М.М. Хафизовтың «Предопределено судьбой. Воспоминания» китабы – Ейәнсура районы Юлдыбай ауылынан Гүзәл Дилмөхәмәтоваға.

Автор:
Читайте нас в