+16 °С
Болотло
Август – йәйҙең һуңғы айы,
Ҡаймағы түгел, майы.
Муллыҡ айын данлар өсөн
Килһен тик мәле, яйы.
Август айы – эшлекле ай,
Июль кеүек наҙламай,
Арыш бешә. Офоҡтарҙа
Балҡып һүнә һаҙағай...
Муллыҡты ерем үҙенсә
Ҡәҙерләй, хөрмәт итә.
Ысыҡ төшһә, бар донъяға
Бал еҫе аңҡып китә.
Аҡландарҙа үләндәрҙе
Ҡаплап үҫкән бөрлөгән –
Бындай хәл бит һиндә генә,
Тыуып-үҫкән ергенәм!
Риф Әхмәҙиев.